الرئيسية
يعتقد الكثيرون بأن سبب المشاكل الاجتماعية الراهنة هو بالأساس البطالة، صحيح قد تكون البطالة من أهم أسباب الحالة الإجتماعية الفضيعة التي وصلنا إليها ولـــــــــــــــكــــــــــن سأطرح مجموعة من التساؤلات والاجابة عنها ستبين بأن البطالة ليست إلا بعوضة مقارنة بثعبان يلتهم مجتمعنا وأكثر أهمية بكثير ألا وهو مشكل الزواج.
1. هل البطال عاجز تماما عن الحصول عن الحصول عن لقمة عيش بطريقة أو بأخرى؟ الجواب: طبعا لا.
2. هل البطالة تدفع بالرجل إلى ارتكاب كبائر مثل الزنا؟ الجواب: طبعا لا.
3. هل نجد كل أعزب وله مدخول (شهار أو تاجر أو....) بعيدا عن الآفات الاجتماعية؟ الجواب: من بكري وهو يحوس عليها وتزيد تمدلو الدراهم واش يدير بيهم؟؟
4. الأدهى والأمر أننا نتحجج بالضروف المادية الصعبة لتأخر الزواج، وكذلك أمهاتنا وآباؤنا (وين راح تسكن وواش راح تاكل؟) فهل هذه حجة مقنعة وهل يعجز شاب في ربيع عمره أن يصبح مسؤولا عن عائلة وأن يلبي حاجيات أسرة من النحية المادية؟ الجواب: نقولها ونعاودها 1000000 مرة لا لا لا لا ، ولنحسبها بكل بساطة:
واحد ما يكذب على روحو اللي نصرفوه فاللهو والمعاصي راه يعيش 5 عائلات موش وحدة، عندك كل يوم باكي دخان ولا شمة بـ 60.00 وعندك 2 قهوة ب 30.00 وزيد وزيد المهم الآخر فينا يصرف 300.00 كل يوم والجماعة لي تشرب ياخي مانحكيوش فالقعدة يخلي 1000.00 فالطياح ويقلك الله غالب ماعنديش باه نتزوج 1000.00 راهي توكلك يومين باللحم وهاي كلاس وانت كل يوم تطيشها لبليس يلعب بعقليتك، نرجعوا للكبار نتاعنا: لي يروح يخطب لازم يدي معاه كشف الراتب (لازم يدي فوق 25000.00 باه يهدر برك) ولازم تكون عندو سكنة و يستحب أنو تكون عندو سيارة والرسول قال: "إذا جاءكم من ترضون دينه وخلقه فزوجوه" ماقالش " إذا جاءكم من ترضون مرتبه ونوعية سيارته فزوجوه" واش بيكم هاذا، واش حابين ديرو بناتكم طرشي ولا واشي، الرزق راه على ربي والشهرية والمال وكل حاجة قادرة تروح في رمشة عين، وما منع غير اللي متعمل على ربي نهار كسرة وماء ونهار شكشكوكة ونهار دجاجة فالفور كيما كنتوا انتم عايشين ولا نسيتوا؟
المهم حاب نقول بلي أي شاب راه قادر على شقاه الخبزة نتاعو يجيبها وربي يرزقو من حيث لا يحتسب، لو كان اللي يلحق 20 نزوجوه رانا لاباس علينا، ينوض الصباح يطلب ربي كاش ما يرزقو يروح كاشما يخدم ويروح لعشية تعبان لمرتو وأولادو ويهني على روحو، وما بقينا نشوفو حتى واحد يسكر ولا يدوخ -غير لي ضربو ربي- ياو الخدمة كاين وحنا نعافو ودراهمنا رايحة فالفارغات فرغا، العنوسة راهي كلاتنا وحنا نخشنو في روسنا. الحل في يدينا وحنا نحوسو عليه في جياب غيرنا حرام على جيلكم وعار على جيلنا، تفكروا كيفاه تزوجتو أماتنا وشفوا علاه تعنسو بناتنا،
و في الأخير إذا حبينا تتعدل أمورنا يظهرلي لازم الكبار يخافو ربي في ولادهم وبناتهم ولازم الشباب يشمرو على ذرعيهم واللي حاب وحدة يروح يخطبها ويخلي الباقي على ربي ياو الرسول قالهالنا صراحة 'لا أرى للمتحابين إلا الزواج'ربي يهدينا ويسهل أمورنا.
واللي عندو رأي آخر يقولو ويقنعنا معاه (اسمحولي على بعض الألفاظ ولكن لي يشوف واش صاري يوجعو قلبو)
ولا حياء في الدين والساكت عن الحق شيطان أخرص
1. هل البطال عاجز تماما عن الحصول عن الحصول عن لقمة عيش بطريقة أو بأخرى؟ الجواب: طبعا لا.
2. هل البطالة تدفع بالرجل إلى ارتكاب كبائر مثل الزنا؟ الجواب: طبعا لا.
3. هل نجد كل أعزب وله مدخول (شهار أو تاجر أو....) بعيدا عن الآفات الاجتماعية؟ الجواب: من بكري وهو يحوس عليها وتزيد تمدلو الدراهم واش يدير بيهم؟؟
4. الأدهى والأمر أننا نتحجج بالضروف المادية الصعبة لتأخر الزواج، وكذلك أمهاتنا وآباؤنا (وين راح تسكن وواش راح تاكل؟) فهل هذه حجة مقنعة وهل يعجز شاب في ربيع عمره أن يصبح مسؤولا عن عائلة وأن يلبي حاجيات أسرة من النحية المادية؟ الجواب: نقولها ونعاودها 1000000 مرة لا لا لا لا ، ولنحسبها بكل بساطة:
واحد ما يكذب على روحو اللي نصرفوه فاللهو والمعاصي راه يعيش 5 عائلات موش وحدة، عندك كل يوم باكي دخان ولا شمة بـ 60.00 وعندك 2 قهوة ب 30.00 وزيد وزيد المهم الآخر فينا يصرف 300.00 كل يوم والجماعة لي تشرب ياخي مانحكيوش فالقعدة يخلي 1000.00 فالطياح ويقلك الله غالب ماعنديش باه نتزوج 1000.00 راهي توكلك يومين باللحم وهاي كلاس وانت كل يوم تطيشها لبليس يلعب بعقليتك، نرجعوا للكبار نتاعنا: لي يروح يخطب لازم يدي معاه كشف الراتب (لازم يدي فوق 25000.00 باه يهدر برك) ولازم تكون عندو سكنة و يستحب أنو تكون عندو سيارة والرسول قال: "إذا جاءكم من ترضون دينه وخلقه فزوجوه" ماقالش " إذا جاءكم من ترضون مرتبه ونوعية سيارته فزوجوه" واش بيكم هاذا، واش حابين ديرو بناتكم طرشي ولا واشي، الرزق راه على ربي والشهرية والمال وكل حاجة قادرة تروح في رمشة عين، وما منع غير اللي متعمل على ربي نهار كسرة وماء ونهار شكشكوكة ونهار دجاجة فالفور كيما كنتوا انتم عايشين ولا نسيتوا؟
المهم حاب نقول بلي أي شاب راه قادر على شقاه الخبزة نتاعو يجيبها وربي يرزقو من حيث لا يحتسب، لو كان اللي يلحق 20 نزوجوه رانا لاباس علينا، ينوض الصباح يطلب ربي كاش ما يرزقو يروح كاشما يخدم ويروح لعشية تعبان لمرتو وأولادو ويهني على روحو، وما بقينا نشوفو حتى واحد يسكر ولا يدوخ -غير لي ضربو ربي- ياو الخدمة كاين وحنا نعافو ودراهمنا رايحة فالفارغات فرغا، العنوسة راهي كلاتنا وحنا نخشنو في روسنا. الحل في يدينا وحنا نحوسو عليه في جياب غيرنا حرام على جيلكم وعار على جيلنا، تفكروا كيفاه تزوجتو أماتنا وشفوا علاه تعنسو بناتنا،
و في الأخير إذا حبينا تتعدل أمورنا يظهرلي لازم الكبار يخافو ربي في ولادهم وبناتهم ولازم الشباب يشمرو على ذرعيهم واللي حاب وحدة يروح يخطبها ويخلي الباقي على ربي ياو الرسول قالهالنا صراحة 'لا أرى للمتحابين إلا الزواج'ربي يهدينا ويسهل أمورنا.
واللي عندو رأي آخر يقولو ويقنعنا معاه (اسمحولي على بعض الألفاظ ولكن لي يشوف واش صاري يوجعو قلبو)
ولا حياء في الدين والساكت عن الحق شيطان أخرص
